Iraila-abendua 2020

Izen-emate orria deskargatu

AL-ANDALUS-EKO AZTARNEN ATZETIK: HISTORIA ETA ARKEOLOGIA I

Ikastaroak Al-Andalus-eko historia eta kulturan murgilduko gaitu, Islamaren zabaltzearen hasieratik Iberiar Penintsulan XI. mendera arte. Penintsulako kristau erresumekin harremanak, bereziki Iruñako erresumarekin, aztergai izango dira, emakumearen egoera kultura andalustarrean eta garaiko arkitektura monumentalaren adibide nagusiak ere landuko direlarik.

Ikastaroa gaztelaniaz izanen da.
Izen ematea irailaren 2tik aurrera.

ORDUTEGIA

Asteartea: irailaren 29tik abenduaren 15era. Arratsaldetan: 18:00etatik 19:00etara
Osteguna: urriaren 1etik abenduaren 10era. Goizetan: 11:00etatik 12:00etara

PROGRAMA

· Mahoma, Islamaren hastapenak eta bere zabaltze azkarra VII. Mendean
· 711: musulmandarrak Hispania bisigodoan ustekabean sartzen dira
· Omeya-k, errefuxiatuak izatetik al-Ándalus-eko emirrak izatera
· Gizarte mistoa erlijio eta kultura desberdinekin
· Iruñako maqbara: Baskoniako bihotzean nekropoli islamiarra
· Iberiar Penintsulako iparraldeko kristau komunitateak Islamaren aurrean
· Arista eta Banu Qasi familiak, lankidetzatik borrokara
· Bikingoek sortarazitako izua
· Kalifato-herriaren garaia: goieneko urteak
· Arkitektura monumentala: meskitak, jauregiak eta alkazarrak
· Emakumea al-Ándalus-en
· Gainbehera urteak? Taifa erresumen garaia

 

Iraila-abendua 2021

Ikastaroak Donejakue Bidea historia, artea eta arkeologiaren eskutik ezagutzera eramen gaitu, apostoluaren ustezko aztarnak biltzen dituen hilobiaren eta Konpostelarako bideek zeharkatzen dituzten lurraldeen inguruko tradizio, mito eta kondairak alde batera utzi gabe.

Ikastaroa gaztelaniaz izanen da.
Izen ematea irailaren 7tik aurrera.

Izen-emate orria deskargatu

ORDUTEGIA AUKERAN

- Asteartea: irailaren 28tik abenduaren 21era. Arratsaldetan: 18:00etatik 19:00etara

- Osteguna: irailaren 30etik abenduaren 23ra. Goizetan: 11:00etatik 12:00etara

PROGRAMA

- Sarrera. Aurkikuntza, nor zen Santiago Nagusia?
- Lehendabiziko erromesak eta Bide Primitiboa (Oviedo - Konpostela)
- Helmuga: Konpostelako Santiago eta Finisterre
- Erromesaldia itsasoz: "Bide Ingelesa" (Beñat Eguíluz doktorearen eskutik)
- Bide Frantsesa Piriniotaraino eta Bide Aragoarra
- Ordena militarrak eta Donejakue Bidea
- Roldan eta Zesar Borgiaren aztarnei jarraiki. Bide Frantsesa Nafarroan eta bigarren mailako ibilbideak
- Domingo de la Calzada eta Cid-aren lurraldetarantz. Logroñotik Burgosera
- Donejakue: Baionako Bidea  Izarren bidetik: palentziar lautadatik Konpostelara
- Bidea txirrindulaz, bi erromesen testigantza: Idoia Ezcurra eta Ander Amorebieta (partaide gonbidatuak)

Datak: 2020ko irailaren 30etik urriaren 2ra

Irungo Oiasso Erromatar Museoak Udako Ikastaroa antolatu du Euskal Herriko Unibertsitatearekin batera: "Marmolezko Inperioa: harri apaingarriak eta harrobiak Iberiar Penintsulan erromatarren garaian".

Erromatar munduko arkitektoen, eskultoreen, dekoratzaileen, epigrafisten... materialik gogokoena harri apaingarriak ziren, eta, harri apaingarri guztien artean, marmola. Inperioak lortutako luxuaren sinboloa ziren harri apaingarriak, eta apainketa kultura hori mendebalde urruneraino ere iritsi zen, Iberiar penintsularaino; horrela, beren hiriek metropoliaren (Erromaren) ahalik eta antz handiena izan zezaten nahi izan zuten Iberiar penintsulako biztanleek. Harri apaingarrien erabilera hedatzeak erromatar geografiaren irudia berdindu zuen, eta, gainera, materialak erauzteko eta apainketa kultura merkaturatu eta zabaltzeko makineria aparta jarri zuen martxan. 

Harrobirik ezagunenak Egeo itsasoan marmol zuria eta Arabiako basamortuan porfidoa ematen zutenak dira, baina baziren beste hainbat harri ematen zituztenak, Inperio osoan sakabanatuak. Ikerketa espezializatuei esker, gero eta informazio zehatzagoa dugu. Arroka igneoen eta arroka metamorfikoen konposizioari erreparatuz, jatorri bakoitzeko markatzaile zehatzak identifika daitezke, eta banaketa sareak xehekiago ezagutzen laguntzen ari da hori, eta, aldi berean, ondarea identifikatzen, berdingabea berau. Azken batean, erauzketa jardueren ondorioz sortutako paisaiek, harrobiek, ikuspegi poliedrikoa ematen dute, balio estetikoek zein arkeologikoek osatutakoa.

Gaur egun, dudarik gabe, Iberiar penintsulan ari dira egiten alor honetako ikerketarik abangoardistenak, eta harrobi esanguratsuak ezagutu dira, hainbat agertoki geografikotan. Ekarpen berrioi esker, nabarmen sakondu ahal izan dira Iberiar penintsulan harri apaingarriak eskulturarako, euskarri epigrafikoetarako, eraikinen estalduratarako... kontsumitzeari buruzko ezaupideak, baita prestigiorik handieneko baliabideak merkaturatzeko erabiltzen ziren nazioarteko sareei buruzkoak ere.

Ikastaroak Iberiar penintsulak erromatarren garaian zituen harrizko baliabideak aztertuko ditu, eta, horretarako, harri apaingarririk adierazgarrienak ekoizteko ziklo osoa jorratuko du, hasi harrobietako erauzketatik eta buka berrerabileran, tartean merkaturatzea eta apaingarritarako erabilerak direla.

HELBURUAK

Erromatar mundura gerturatzeko ildo berritzaile bat proposatzea: eraikin, espazio publiko eta luxuzko objektuetarako harri apaingarriak erauzteko jarduerak eta harrion manufaktura.

Iberiar penintsulan marmolei eta harrobiei buruz egin diren azken ikerketen emaitzak ezagutaraztea.

Harri apaingarriak ekoizteko ziklo osoa marraztea, hasi harrobietako erauzketatik eta buka berrerabileran, tartean merkaturatzea eta erabilerak direla.

 

Zuzendariak

• María Mercedes Urteaga Artigas. Gipuzkoako Foru Aldundia/ Arkeologia teknikaria.
• Elena Torregaray Pagola. UPV/EHU, Estudios Clásicos

 

Irungo Udalarekin eta Gordailuarekin lankidetzan

• Matrikularen prezioa: irailaren 30era arte 105 € (sarrera orokorra)
• Datak: 2020ko irailaren 30etik urriaren 2ra
• Lekua: ikastaroa on line ospatuko da 
• Matrikularen kudeaketa: web orria
• Balio akademikoa: 30 ordu
• Hizkuntza ofiziala: gaztelania