Ikastaroa: IBILBIDE HISTORIKO ETA MONUMENTALA EKIALDEKO ATEAREN ZEHAR:

BIZANTZIO - KONSTANTINOPLA - ISTANBUL HIRIA

2025 urria - abendua

Bizantzioren historia konplexua da eta konkista desberdinen arabera aldatu da: lehenik, garai helenistikoan Pergamoren (Troia), bere lehiakide ahaltsuaren itzalpean egon zen, Erromatar Inperioko hiriburu bihurtu zen K.o. 330. urtean; Ekialdeko Erromatar Inperioko hiriburu K.o. 395ean eta, ondoren, Otomandar Inperioko hiriburu 1453an.

Gaur egun, mendeetako harrapaketa eta inbasioen ondoren, oso aztarna gutxi geratzen dira ikusgai hiri greko-erromatar hartatik. Monumentu asko partzialki edo osorik suntsituta daude edo lurpean daude. Hala ere, Bizantzioko luxu eta oparotasuna iraun egiten du frantsesezko esamoldean: «C’est Byzance!», hau da, «Luxu handia da!», izan ere, hiria bere sorrera garaitik da ezaguna distiragatik. Ikastaro honetan zehar hiriaren bilakaera ikusiko dugu: garai grekotik hasita, erromatarren, bizantziarren eta azkenik otomandarren garaia arte, haren monumentu nagusien bidez. 

"IBILBIDE HISTORIKO ETA MONUMENTALA EKIALDEKO ATEAREN ZEHAR: BIZANTZIO - KONSTANTINOPLA - ISTANBUL HIRIA" Ikastaroan izena emateko orria deskargatu hemen.

IRAKASLEA: Elena Torregaray Pagola doktorea, Antzinako Historian irakasle titularra (UPV/EHU). 

IKASTAROAREN DATAK

• URRIAREN 6a, 14a eta 27a
• AZAROAREN 4a, 10a, 17a eta 24a
• ABENDUAREN 2a, 9a eta 16a 

AUKERATU BEHARREKO ORDUTEGIA:

• - Goizeko txanda. 11:00-12:00.
• - Arratsaldeko txanda: 18:00-19:00.
• Gaztelaniaz.  

PROGRAMA 

1. Bizantzio, hiri greko-traziarra
2. Konstantinopla: hiriaren planoa
3. Konstantinopla: defentsa-sistema, harresiak
4. Konstantinopla: ura hornitzeko sistema eta zisternak
5. Konstantinopla: Santa Sofia eta hiriko elizak
6. Konstantinopla: botere-eremua eta jauregi inperiala
7. Konstantinopla: Hipodromoa eta herri xehearentzako espazioak
8. Beste hiri bizantziar batzuk: Recópolis Hispania-n
9. Istanbul: otomandar inperioaren hiriburu berria
10. Istanbul: hiria islamiar ikuspegitik berrantolatzea

Prezioa: 75 € ikasleko

Erreserba egiteko: Oiasso Museoan 943 63 93 53

udako IKASTAROA online: "En torno al año 1000: un mosaico de culturas"

2025ko Irailaren 03-04

Gipuzkoaren existentziari buruz ezagutzen den lehen aipamen idatzia 1025ean egin zen; garai hartan musulmanen domeinua oraindik Ebroren arro ertain eta baxuraino hedatzen zen, eta Dueroak, bere azken zatian, kristau erresumekiko muga markatzen zuen. Banalerroaren alde batean eta bestean, gainera, mugimendu dinamikoak, aldaketak eta eraldaketak zeuden, lurralde antolamendu berria ekarriko zutenak.

Gipuzkoako milurtekoaren efemeridea oinarri hartuta, garai hartako iberiar penintsularen irudi poliedrikoa osatzea ahalbidetuko duten egoera historikoen adibide garrantzitsuak aurkeztuko dira. Irudi hori Andeetako kulturen eraketa prozesuaren bidez eraikitako kontrapuntu batekin osatuko da, Suaren Lurraldetik Ekuadorreraino (wari edo huari kulturak, tiahuanakoa, chincha kultura, Ichma, Chimú erresuma...). Horrela, gertaera fokal batetik abiatuta, behaketa eremua zabalduz joango da, hurbilketa berritzaileko prozesu batean errealitate paraleloak erlazionatu arte.

Ikastaroaren zuzendaritza

María Mercedes Urteaga Artigas. Gipuzkoako Foru Aldundia/Diputación Foral de Gipuzkoa, Arkeologia teknikaria /Técnica en Arqueología 

Carlos Coros Villca. Andeetako Arkeologia Museoko zuzendaria (Chile)

KOKALEKUA IRAILAK

03-04 Saio akademikoak online zuzenean (ZOOM)

EGITARAUA

Egitarau osoa deskargatu hemen

Parte hartzeko ezinbestekoa da INSKRIPZIOA egitea

OIASSO MUSEOAren bidez inskripzioa egiten dutenek 10 €-ko tarifa hobariduna izango dute. Oiasso Museoan inskripzioa egiteko: 

943 63 93 53 edo

Beharrezko datuak: izena - abizena - telefonoa - e-mail

Informazio gehiago: https://www.uik.eus/eu/jarduera/torno-al-ano-1000-un-mosaico-culturas

IKASTAROA: Mundu Klasikotik Errenazimendura

Europako kulturaren Errenazimendua eta esplorazioen aroa

Mundu greko-erromatarra, Europako kulturaren une "klasikotzat" hartzen dena, krisi-garai batean bizi izan zen artean eta zientziari dagokionez, pixkanaka Behe Erdi Aroan berreskuratuz joan zena, eta XV. mendean loratu zen Italian. Ikastaroa "Errenazimentuko" eta XVI. mendeko zenbait gairen inguruko ibilbide sakona izango da, ikuspegi historikotik zein itsas arkeologiatik, arkeologia klasikotik eta diziplina anitzeko beste ikuspegi batzuetatik. Gai-zerrenda Errenazimentuko kultura artearen eta arkitekturaren alderdietara hurbiltzen saiatuko da, bai eta garai hartako gatazka politiko eta filosofikoak ere, Europako monarkia-estatuen sorrera, mundu eurozentrikoaren hedapena eta esplorazioak Asiako, Ipar Amerikako eta Hego Amerikako eskualdeetara, ontzigintzak kultura-hedapen eta -eragin horretan guztian izan zuen zeregina ere. Anima zaitez mundu bat berpizkundean ezagutzera!.

ORDUTEGIA AUKERAN

Astelehena:
Irailaren 30etik abenduaren 16ra.
Goizetan. 10:30-11:30. Gaztelaniaz / 12:00-13:00 Euskaraz.
Portu-areto gelan.

Asteartea:
Urriaren 1etik abenduaren 17ra.
Arratsaldetan: 18:00etatik 19:00etara.
Portu-areto gelan.

Irakaslea: BEÑAT EGUILUZ MIRANDA

PROGRAMA

1. Tradizio baten antzinateko jatorria: Greko-Erromatar tradizioa eta antzinateko ontzigintza.
2. Antzinateko munduaren trantsizioa Errenazimendura.
3. Errenazimenduaren hasiera arte italiarrean: Trecentoko artea.
4. Quattrocentoko artea eta Portugalgo esplorazioak.
5. Europako testuinguru politikoa XVI. mendearen hasieran.Errenazimendu zientifikoa: Lutheroren tesiak eta europako zientzia.
6. Errenazimendu artistikoa: Quinquecentto-a, Manierismoa. eta Barrokoa.
7. Europarren kontaktu aurreko Hego Amerikako herri indigenen kultura.
8. Europarren kontaktu aurreko Ipar Amerikako herri indigenen kultura.
9. Amerikaren kolonizazioa eta Asiako merkataritza bideak.
10. Europaren hedapenaren, jarrera kolonialista eta kultura postkolonialari buruzko hausnarketa bat.
11. Ontzigintza, Ternuako arrantzalekuak eta Iberiar-Bizkaitar itsas tradizioa.

Inskripzioak:Oiasso Museoa: 943 63 93 53

Programa eta inskripzio orria deskargatu

DATU PRAKTIKOAK

Prezioa: 75 € pertsona bakoitzeko

Prezioaren barne: ordubeteko 12 klase material grafikoa eta ikus-entzunezkoarekin; eskola bakoitzaren ondoren gomendio eta eduki praktikodun dossier bat eta kurtso amaieran apunteen dossier zabal bat banatuko dira.Izen emateko

Baldintzak: Plaza erreserbatzeko, museora deitu edo harrera lekura bertaratu. Plaza lortzerakoan, ordainketa egin behar da esku-dirutan, txartela edo banku-transferentziaren bitartez (ikaslearen izena kontzeptuan esleitzen). Txanda bakoitzean gutxienez 10 pertsonak eman beharko dute izena.