Zinemaldi Arkeologikoa

FICAB XXV.  BIDASOKO NAZIOARTEKO ZINEMALDI  ARKEOLOGIKOA 

2025ko Azaroak 10-15.

FICABaren 25. urteurrena azaroaren 10etik 15era ospatuko da

Deskargatu XXV. FICAB egitarau osoa hemen.

FILMAK (astelehenetik larunbatera) Irungo AMAIA KZKultur Zentruan proiektatuko dira eta Urpeko Arkeologia saioa Donostiako AQUARIUMean izango daazaroaren 13an. 

DOAKO SARRERA. Inaugurazioarako, proiekzioetarako eta klausura ekitaldirako sarrerak eskuragarri daude:

- https://irunkultura.sacatuentrada.es/

- Irungo Turismo bulegoan edo

- Proiekzioaren egun berean AMAIA KZ Kultur Zentruko leihatilan bertan.

Bestalde, Online zinemaldiaazaroaren 10an aktibatuko da azaroaren 15 arte. FICAB onlinera sartzeko linkak:

FICAB SAIL OFIZIALA

FICAB HEZKUNTZA SAILA

Bidasoko Nazioarteko Zinemaldi Arkeologikoa (FICAB) ate joka dugu, eta Irungo Udaleko Kultura arloa motorrak berotzen hasia da, oraingoan, aurtengo edizioaren kartela aurkeztuta.

Nuria Alzaga lehen alkateorde eta Kulturako ordezkariak eta Aizpea Goenaga FICABeko zuzendariak edizio berezi honen kartela iragarri dute gaur. Izan ere, azaroaren 10etik 15era bitartean egingo den zinemaldiaren edizio hau proiektuaren zilarrezko ezteiena izango da, 25. edizioa izango baita.

Data biribila, urterik urte eskualdean eta Gipuzkoa osoan errotzen joan den zinema-jaialdi batentzat, gaur egun den erreferentea bihurtu arte. Urteroko hitzordua da, eta bertan, bat egiten dute dokumental historiko eta arkeologikoetan espezializatutako ekoiztetxe ospetsuenek eta kalitatezko ikerketa arkeologikoak egiten dituzten ekoizpen txikiak.

Ordezkariaren hitzetan, «Aurtengo FICAB ez da edonolakoa. Egia da edizio guztiak direla bereziak, baina 25. hau zilarrezko ezteien ospakizuna da. Horrela, zinema-jaialdi honek urte hauetan guztietan izan duen bilakaera baloratzera eraman gaitu, eta ikusten dugu eskualdean eta lurralde osoan errotu dela, gaur egun den erreferentzia bilakatu arte. Gaur aurkezten dugun kartel hau aztarna utziko duen ediziorako pizgarria izango da».

Kartelean zinemaldiaren gaiarekin lotutako elementu tipikoak dauzka, hala nola sarkofagoak, balio handiko zaharkinak edo gune arkeologikoak, eta erdian urre koloreko 25 bat, aurten egingo diren zilarrezko ezteien erakusgarri.

Aurten, 24 film hautatu dira, hala sail ofizialean nola hezkuntzakoan. Ildo horretan, aurtengo berezitasuna da Errusia, Txina edo Saudi Arabiatik etorritako filmak hautatu direla, duten kalitate eta interesagatik, baita beste herrialde batzuetakoak ere.

Aurtengo edizioan, proiekzio guztiak berriz ere Amaia KZn egingo dira, iaz Mendibil merkataritza guneko zinema-aretoetan egin behar izan baziren ere, kultur ekipamendua hobetzeko obren ondorioz.

Ohi bezala, filmak doan eskainiko dira FESTHOME plataforman ere.

FICAB ibiltaria da aurtengo beste hitzordu garrantzitsuetako bat. Azaroaren 13an egingo da historialari eta arkeologo profesionalen topaketa hori, Oiasso museoan, eta ondoren harrera-ekitaldi bat egingo da Irungo Udaleko Areto Nagusian, Cristina Laborda alkatearekin.

Epaimahaia eta sariak

Sail ofizialeko epaimahaiak ikus-entzunezko eta arkeologia alorretako prestigio handiko profesionalez osatua izango da, eta bere ebazpena jaialdiaren itxiera ekitaldian emango da, sariak banatuko diren unean.EITBk Generoaren Perspektibaren Sustapen Saria emango dio historiaren eta arkeologiaren ezagutza parekidean hurbiltzen laguntzen duen filmik onenari. Hezkuntza Atalean, pedagogia lanari emandako saria jaialdiko kideek osatutako epaimahaiak emango du jaialdiaren itxiera ekitaldian jakinaraziko dena. Arkeolan Fundazioak bere saria emango du, Fundazioko adituen balorazioarekin. Eta Publikoaren Saria eskuratuko da parte-hartzaileen botoekin, jaialdiko filmen proiekzio bakoitzaren ostean, bozketen bidez.

Aurtengo epaimahaiko presidentea Jesús Cimarro da, Madrilgo Ekoizle eta Antzerkien Elkarteko presidentea eta Espainiako Antzerki eta Dantza Enpresa Ekoizleen Elkarteen Estatuko Federazioaren presidentea.

Epaimahaikide izango dira hauek: Ana Belén Marín-Arroyo, Historiaurreko katedraduna eta Kantabriako Unibertsitateko Giza Eboluzioko taldeko (EvoAdapta) zuzendaria, Juan Manuel García-Ruiz, Ikerbasqueko zuzendaria Donostia International Physics Centerren eta CSICeko ikerketako irakasle emeritua, Giulia Pruneti, Florentziako Archeofilm Festivaleko zuzendarikidea eta komunikazioko zuzendaria eta Mertxe Urteaga, Arkeologiako doktorea eta Gipuzkoako Foru Aldundiko Ondare Historiko-Artistikoko zerbitzuko kidea.

Hona hemen aurtengo sarien zerrenda:

Edozein generotako filmak – dokumentala, erreportajea, ikerketa, fikzioa, etab. – eta edozein iraupenekoak – laburmetraiak, erdi-luzekoak edo luzeak – parte har dezakete jaialdian, edonolako nazionalitateko pertsona edo erakunde publiko edo pribatuak ekoitzitakoak, eta gaiak arkeologia eta bere teknikak, etnoarkeologia, ondare arkeologikoa eta haren kontserbazioa inguruan izatea beharrezkoa da.

Jaialdiaren oinarriak webgunean kontsulta daitezke honako lotura honetan: https://www.ficab.org/ficab/down/servicios/2025_FICAB_Bases_Conditions.pdf

Informazio gehiagorako, Oiasso Museora (Eskoleta, 1 - 20302 Irun Gipuzkoa) jo daiteke,  helbidera idatziz edo 943639353 telefonora deituz

FICABen edizio berriaren antolakuntza ilusioz hasi da, kalitatean eta ikusle kopuruan hazten jarraitzeko helburuarekin, bai zinema aretoetan bai online formatuan.

Bidasoko Nazioarteko Zinemaldi Arkeologikoa, FICAB, Fugaz Sarien Adiskideen Jaialdi gisa estreinatu da ofizialki. Ekimen honen helburu nagusia Espainia mailako jaialdien zirkuituari balioa ematea eta aintzatestea da, eta berau osatzen duten ekitaldien artean sinergiak sortzea.

 Zer da FICAB?

Bidasoako Nazioarteko Zinemaldi Arkeologikoaren Jaialdia 2001. urtean hasi zen egiten Arkeologia gizarteari ezagutzera emateko eta hurbiltzeko, Arkeologiari eta Ondare Arkeologikoari buruzko film dokumentalen bidez. 

Bere laugarren ediziotik aurrera, 2004an, jaialdia lehiaketa bihurtu zen eta hortik aurrera hiru sari banatzen ditu: Jaialdiko Sari Nagusia, Publikoaren Sari Berezia eta zientzi dibulgazioaren Arkeolan Saria. 2006. urtean Fedarcinen sartu zen, Arkeologia eta Ondasun Zinemaldien federazio europarrean, eta nazioarte mailako epaimahaia du orduz geroztik.

Urtero egiten da jaialdia eta bertan biltzen dira historiari eta arkeologiari buruzko dokumentaletan adituak diren ekoiztetxe ospetsuenak nahiz ikerketa arkeologikoaren kalitateak bermatutako ekoizpen txikiak. Ikasleei zuzendutako hezkuntza atala ere badu 2015. urteaz geroztik.

Jaialdi honi buruzko informazio guztia www.ficab.org webgunean ikus daiteke.

Edozein informaziorako Oiasso Museoarekin harremanetan jarri (Eskoleta, 1 20302, Irun Gipuzkoa),  helbidean edo 943 63 93 53 telefonoan.

Klik argazkian laburmetraiak ikusi ahal izateko

• FICAB