Dies Oiassonis: Jaialdia

Dies Oiassonis

Irungo XIV. Jaialdi Erromatarra
 
2024ko Uztailak 11-14

Cartel Dies bajaUztailaren 11tik 14ra bitartean hasiko dira Dies Oiassonis-a prestatzen, inoiz baino jende gehiagok parte hartuko du Irungo iragan erromatarraren jai giroan!

Ekitaldi handia uda honetarako, historia, aisialdia, entretenimendua eta gastronomia batzen dituena.

Aurten ere gora egin du jaialdiak, gure iragan erromatar aberatsaren testuinguruan jende ororentzako jarduera ugari antolatuta, horrela gure inguruan eskaintza paregabea eskainiz"

Birsortze historikoak, horien artean Navigium Isidis edo Isis jainkosaren omenezko prozesioa, eta zirku erromatarra, antzerki emanaldiei eta esperientzia gastronomikoei gehituko zaizkie, jaialdiaren ohiko formatua berreskuratuz. "Navigium Isidis" ekitaldi nagusiaz gainera, izango dira beste batzuk ere, hala nola "Circus Romanus" klasikoa, "Erromatar Pintxoaren Ibilbidea" eta abar.

2024ko Dies Oiassonis jaialdiaren programa osoa deskargatu hemen.

NAVIGIUM ISIDIS

Nabigazio denboraldia berriz irekitzeko Isis jainkosari eskainitako prozesioa, Dies Oiassonisetan birsortzen da, pertsona askoren parte-hartzeari eta lankidetzari esker.

Jaialdian parte hartzea gustatuko litzaizuke, ez bakarrik ikusle gisa, baizik eta barrutik biziz eta egun batez erromatar bihurtuz? 943 63 93 53

- UZTAILAK 6, LARUNBATA. TAILERRA: ERAIKI ZURE ITSASONTZIA!

Adina:8-12 urteko neska-mutilak.
Baldintzak: Tailerrean parte hartzeak NAVIGIUM ISIDIS prozesioan parte hartzeko konpromezua da.
Arropa: Eskulanak egiteko  arropa egokia.
Aforoa: 15-20
Iraupena: 60'
Doako tailerra: erreserbatzea beharrezkoa da. OIASSO MUSEOA: 943 63 93 53 / 

- UZTAILAK 11, OSTEGUNA. UDAKO IKASTAROA

Oiasso Museoak Dies Oiassonis ospakizunaren gonbidapena luzatzen du, UPV/EHU-ren partaidetzarekin batera, hurrengo uztailaren 11an eskainiko dugun kurtsoan parte hartzeko, honako izanburuarekin: 

“MODA, INFLUENCERS Y NEGOCIO: VESTIMENTA Y ADORNO PERSONAL EN EL IMPERIO ROMANO” 

Kurtso hau Elena Torregaray Pagola eta Goizane Urrutia Gutiérrezek antolatu dute. Helburua Zesarren garain janzkera eta apaingarri pertsonalek zeukaten garrantzia azpimarratzea, adierazle sozialaren neurtzaile, publikoki nabarmentzeko tresna eta merkatarientzako aberastun iturriak bezala. 

Ikastaroaren programa hemen: "Moda, influencerrak eta negozioa: erromatar inperioko janzkera eta apaingarri pertsonalak" ikastaroa

Mundu guztiari egokiturik dago kurtso hau, izena ematea dohainik da, baino parte hartzeko ezinbestekoa da inskripzioa egitea: 943 63 93 53 / 

Aurreko urteetako dinamikari jarraituz, festa erromatar handia uztailaren 6an hasiko da, ohiko jaiaurrekoarekin, Pintxo Erromatarraren Ibilbidearekin, eta uztailaren 14ko igandean amaituko da "Harpastum" pilota erromatarraren erakustaldiarekin.

Xehetasunez, programak proposamen finkatuak eta hirian oso ezagunak direnak biltzen ditu, hala nola Isis jainkosaren ohorez egiten den “Navigium Isidis” prozesio tradizionala, ohiko Zirku Erromatarra eta erromatarren munduari buruzko birsorkuntza historiko mitikoak.

Horiez gain, proposamen berriak ere egiten ditu, hala nola erromatar garaiko jantziei buruzko ikastaroak; haur-bakarrizketa bat, erromatar garaian nola jolasten zuten azaltzen duena, eta antzerki erromatarra.  

Jaialdiak "oso aho-zapore ona" utziko duela agintzen du.

Gastronomia izango da aurtengo protagonista nagusietako bat. Ostiralean, uztailak 12, Arrain Zopa Lehiaketa izango da, eta, horrez gain, "Convivium in Circus Romanus" erromatar estiloko afaria ere izango da, hainbat ikuskizun barne. Bestalde, Pintxo Erromatarraren Ibilbidea ere egingo da, garai hartako sukaldaritzako hainbat proposamen gozatzera gonbidatuz, hiriko hogei jatetxetan barrena. Proposamen gastronomikoa bigarren jardunaldi gastronomikoekin bukatuko da larunbat goizean. Oiasso Museoan egingo da, eta sarrera doan izango da.

Zinemaldi bikaina

Beste erakargarri nagusietako bat zinema izango da. Aurreko edizioan "Astérix y Obélix contra César" filmak izandako arrakastaren ondoren (400 ikusle inguru), aurten, Bizinemak erromatarren iraganera bidaia bat egitea proposatu du, "La Vida de Brian" filma ikusiz. Ostegunean, uztailak 11, emango da, San Juan plazan, eta sarrera doakoa izango da.

Antzerki-eskaintza erakargarriarekin osatzen da jaialdia, eta hainbat ikuskizun izango dira, hala nola "Clitemnestra", uztailaren 12an, Natalia Milánen eskutik. Ondoren, "Lavinia" obra, Ursula K. egile estatubatuarraren izen bereko eleberrian oinarritutako "La Eneida" klasikotik datorrena, eta "Bona De" ikuskizuna, Oiasso museoko antzerki-taldearen eskutik, igandean, uztailak 14. 

"Estilo handiko" jaialdi bat

Aurten, modaren berri ere izango da programan togen, tuniken eta txanbileten inguruan. Erromatar jantziei buruzko ikastaroak ere emango dituzte, aukera emango dutenak erromatarrek beren jantziak egiteko erabiltzen zituzten materialak bertatik bertara ezagutzeko.

Kartela

Sarah Grandes irundarra da Dies Oiassonis jaialdiaren XVI. edizioko kartelaren egilea. Erromatar garaira garamatzan kartel bat da, oso estilo markatukoa eta gama kromatiko mugatua duena, honela azaltzen du egileak: "Kartela hiru zatitan banatzen da: goialdean, Irungo portu erromatar zaharra agertzen da, eta erdialdean, berriz, Higerreko brontzeak, Minerva, Ilargia, Marte eta Eguzkiaren irudiak irudikatzen dituztenak. Behealdean, erromatar jaialdiaren informazio praktikoa agertzen da", azaldu du Grandesek.

Sarrerak salgai

Erromatar afarira joan nahi dutenek Turismo Bulegoan erosi ahal izango dituzte sarrerak (Luis Mariano kalea 3), ekainaren 21eko ostiraletik aurrera, 15:30etik aurrera. 30 euro balio du sarrera bakoitzak. Zirkurako eta sarrera behar duten gainerako ikuskizunetarako sarrerak asteazkenean, uztailak 5, jarriko dira salgai.

Ordutegi hau du Turismo Bulegoak:

Ekainaren 30era arte:
Astelehenetan, 15.30-19.00
Asteartetik larunbatera: 10:00-13:30 eta 15:30-19:00.

Uztailaren 2tik irailaren 15era:
Astelehenetik larunbatera: 10: 00-13:30 eta 15:00-19:30.
Igandeetan: 10:00-14:00

Dies Oiassonis 2018 Flickr-en