UDA IKASTAROA: "Todos a la mesa! Vajillas y recipientes cerámicos en la vida cotidiana del imperio romano"

UZTAILAK 02 2026

Imajinatu zeramika zati bat eskuetan duzula. Ez da buztin egosia bakarrik; lekuko isila da, mendeen joanean bizirik iraun zuena, erromatar inperioa beste ikuspuntu batetik, sozialago batetik, ulertzen laguntzeko.Zeramika Antzinateko "plastikoa" izan zen: leku guztietan zegoen. Senatari baten luxuzko oturuntzan, non terra sigillata distiratsuak estatus soziala oihukatzen baitzuen; sukalde xumeetan, non herriak bere eguneroko mantenua prestatzen baitzuen; eta anforaz betetako Mediterraneoa zeharkatzen zuten itsasontzien sotoetan, munduko lehen sare komertzial handia ehunduz.

Uda Ikastaro honetan, artisauek ontzietako grafitoetan utzitako aztarnaz hitz egingo da; ekonomia globalaren pultsuaz, eta ontzi soil batek milioika pertsona elikatzen zituen logistika masiboa azaltzeko moduaz; azkenik, gizarte baten ispilua ikusiko da, eta, batez ere, luxuaren eta beharraren arteko arrakala, zeramika arrunt eta finaren egituretan betiko grabatua.Ikastaro hau erromatarren eguneroko bizitza eta klase sozial guztien gustu eta ohiturak ikusteko aukera paregabea da. Izan ere, batzuetan, inperio baten dimentsioa ulertzeko, ez da haren monumentuetara begiratu behar, bertako biztanleek egunero ukitzen zituzten objektuetara baizik.

Ikastaroaren zuzendaritza

Elena Torregaray Pagola. UPV/EHU, Estudios Clásicos

Oihane Mendizabal Sandonís. EHU, Irakaslea

KOKALEKUA: OIASSO MUSEOA, Irun (Gipuzkoa)

EGITARAUA

Egitarau osoa deskargatu hemen

Parte hartzeko INSKRIPZIOA egitea ezinbestekoa da. 

Informazio gehiago: https://www.uik.eus/eu/jarduera/todos-mesa-vajillas-recipientes-ceramicos-vida-cotidiana-del-imperio-romano

Ikastaroa: 

BESTE EGIPTO BATZUK: ALEXANDRIA ETA MUNDU GREKO-ERROMATARRA

Ikastaroa 2026ko Otsaila - ekaina

Deskargatu "Beste Egipto batzuk: Alejandria eta mundu grekoerromatarraren" ikastaroaren izen-ematea orria izen-ematea orria hemen hemen

Alexandria, Alexandro Handiak sortua, Egipto greko-erromatarraren bihotza izan zen: merkataritza- eta kultura-zentro garrantzitsua, non greziar, erromatar eta egiptoar kulturak Ptolomeotarren dinastiaren eta ondorengo erromatarren garaian elkartu ziren, artean, erlijioan, arkitekturan eta eguneroko bizitzan ikus daitekeen sinkretismo berezi bat sortuz. Hiria, gainera, Egipto erromatarraren aniztasuna ezagutzeko atea da; inperioaren probintziarik aberatsenetako bat izan zen, eta dokumentazio idatzi ugari eman du, papiroak, bere funtzionamendu instituzional eta administratiboa ez ezik, egitura sozial eta erlijioso konplexua ere ezagutzeko aukera ematen dutenak. Egipto greko-erromatarraren izaera multikulturala agerian geratu zen Egiptoko bizitza instituzional, ekonomiko, sozial eta erlijiosoaren arlo guztietan, eta horren ondorioz sortu zen ondare arkeologiko eta historiko oso aberatsa, gaur egunera arte iraun duena.

IRAKASLEA: Elena Torregaray Pagola doktorea, Antzinako Historian irakasle titularra (UPV/EHU). 

IKASTAROAREN DATAK: Honako astelehenak                          

AUKERATU BEHARREKO ORDUTEGIA:

PROGRAMA 

1. Alexandriako biztanleria
2. Merkataritza-hiria: portuaAlexandriako biztanleria
3. Alexandriako biztanleria
4. Erlijio-guneak
5. Zientziarako hiria: Liburutegia eta Museoa
6. Urpeko hiria
7. Egipto greko-erromatarreko beste hiri batzuk: Oxirrinco, Herakleopolis Magna, etab.
8. Egiptoko turismo greko-erromatarra
9. Ekialderako ibilbideak
10. Kleopatraren mitoa, Egiptoko azken erregina-faraoia

Tarifa: 75,00 €

“Arkeologia gertu-gertutik: iraganaren ezagutza berritzen duen diziplina batera hurbiltzea" ikastaroa

2025 Urriak 16 - Azaroak 6 

DATAK:

Hasiera data: 2025eko urriak 16.

Bukaera data: 2025eko azaroak 6.

PROGRAMA - 10 ORDU

1. Arkeologiaren jatorria. Bilduma exotikoen eta lehen museoen artean; antropologiarekiko loturak. Hiru aroen sistema eta Itun Zaharraren Sorrerako liburuaren (Genesis) muga kronologikoak gainditzea.

2. Metodo arkeologikoaren printzipioak. Aztarna materialekin batera doazen sedimentazio-unitateak; estratigrafia eta tipologia. Arkeologiaren zientzia laguntzaileak.

3. Arkeologiaren ekarpen nagusiak, aldika eta gaika I. Bilakaera historiografikoa. Historiaurrea eta Arkeologia. Egiptoko miaketetatik mikroindusketa hiperteknologizatuetara.

4. Arkeologiaren ekarpen nagusiak, aldika eta gaika II.Espezializazioa eta dibertsifikazioa; landa-lanaren eta laborategiaren artean.

HIZKUNTZA: EUSKARA. Ikastaro hau doakoa da eta euskaraz irakasten da.

Izen-ematea hemen