2021eko irailak 28 – Urriak 17

Kumano Kodo eta Done Jakue Bidea senidetuta. "Kumano Kodo: Iseji Ibilbidea" erakusketak Kumanoko bide sakratuaren paisaia kulturala, natura, historia eta kultura publiko zabalari hurbiltzea du helburu. Bidezidorren eta santutegien sare zabal hori 1998tik dago senidetuta Donejakue bidearekin, eta biak dira Erromesaldi ibilbideak UNESCOren Gizateriaren Ondarea..Eusko Jaurlaritzako Kultura eta Hizkuntza Politika Sailaren eskutik, 50 argazkiko multzo bat iritsi da Euskadira, eta, bertan, Japoniako bide sakratu honen ibilbide ugarietako bat jarraitu dezakegu, Ise-jingu (Mie) santutegia eta Kii mendian (Wakayamako prefektura) dauden Kumanoko santutegiak lotzen dituena. Joan den urtean Mie hiriko Kumano Kodo Centerren Euskadiko Done Jakue bideei buruzko beste argazki erakusketa bat egin ondoren dator erakusketa hau. Kumano Kodo: Iseji Ibilbidea erakusketa ibiltaria da, Irunen hasten da, iparraldetik Santiagorako bidearen abiapuntuan, eta Euskadin jarraituko du, Gasteiz eta Bilbo hirietan.

Erakusketaren ordutegia:

HILARRIAK (2021)

Oiasso Museoak eta Gordailuak, Gordailua Oiasson proiektuarekin, leiho bat ireki nahi dute gizartearengan gure kultura-ondarea sustatzeko eta ondare hau kontserbatzeak duen garrantziari buruzko kontzientzia pizteko.Hemen ikusgai dauden objektuak Gordailuan gordetzen dira, eta Oiasso Museoaren bitartez kultur ondare kolektibo hori partekatzea dugu helburu.

Lehendabiziko bi maileguen ondoren bat txokolateari buruzko piezekin, eta bigarrena abeltzantzari lotuta, Oiassora iritsi dira hiru hilarri kristauak.

Euskal hilarri gehienak Erdi Arokoak dira edo gerokoak, hau da, kristauak baina horietako batzuk ikur paganoak eduki ditzakete. Tradizio erlijioso guztiek aurrekoetako hildakoei begirunea erakusten diete. Erromatarrek harriak lantzen zituzten bere hildakoen oroigarri izateko eta oroitzapenezko inskripzioak gehitzen zizkieten Oiasso museoan ezagutu dezakegun bezala.

Gordailuk mailegatutako hilarri kristauak hurrengo Ekainaren 30a arte ezagutu ahal izango dira.

2021/07/07 - 2021/10/31

Erakusketa honek gastronomiari eta haren inguruko guztiari buruzko bidaia bat proposatzen digu, gure iragana ezagutzeko. Segurutzat jotzen dugu guztiok emakumeak zirela protagonista nagusiak sukaldeko kontu guztietan, hala nola nekazaritzan, abeltzaintzan, arrantzan edota kontserbazioan eta sukaldaritzan edo aurkezpenean.

Alabaina, mendeen joanean, ez dago emakumeen erreferentziarik lan horietan guztietan. Jakintzaren transmisio isil bat dago, baina ez izen propiorik, ez eta langile horiek lanaren aitortzarik ere. Hori dela eta,emakumeen balioa ikusgai jarri nahi dugu, bai eta gure lurraldeko gastronomiari zer ekarpen egin dizkioten jakin ere, baskoien eta erromatarren garaitik gaur egunera arte. Baina, aro modernoan ere, chefak sukaldeetan sartzen direnean eta haien izenak ezagutzen hasten garenean...Emakumezko zenbat sukaldari ezagutzen ditugu?

Erakusketa honen bidez, emakumeek sukaldean izan zuten garrantzia aztertuko dugu, gastronomiari egin zizkioten ekarpenen berri izango dugu eta emakumeen kontakizuna berridazteari ekingo diogu; izan ere, gaur egun ere, transmisio, ikerketa eta berrikuntza gastronomikoari dagokionez, askotan emakumeak ari dira itzalpean lanean.

BISITA AZALPENEKIN

Abuztuaren 5ean eta 26an, ostegunetan, 18:00etan, Luisa Lopez de Telleria erakusketaren komisarioak eta Noa Dadie Barronek, Euskal Herriko Unibertsitatean Historian graduatuak, bisita bereziak eskainiko dituzte. Bisita hauek doakoak izango dira eta aldez aurretik izena eman beharko da.

ORDUTEGIA