Oiasso Museoa - Izandako erakusketak

Izurriteak Antzinaroan: Erroma gaixotasunen aurrean

Erakusketa honek, ia 800 urtez (K.a. II. mendetik K.o.-ko 541. urtera arte) mundu erromatarrak pairatu zituen izurriteak ditu hizpide, garai errepublikarretik Ekialdeko Erromatar Inperioko (edo Bizantzioko) Justiniano enperadorearen urteetara arte hain zuzen. Mende guzti hauetan zehar ia 90 bat gosete eta pandemiari aurre egin behar izan zieten erromatarrek eta haien ondorengoek.

Erakusketan, mendebaldea jipoitu zituzten izurrite ezberdinen jatorri, sintoma, eragin eta ibilbidea ikusi ahal izango dira, garaiko biztanleek gaitz hauei aurre egiteko hartutako neurriak ere kontuan hartuz. Baskoniari eskainitako ataltxo bat ere izanen da.

Gainera Antzinako pandemia nagusiei eta oraingoan bezalako krisietatik iraganean artikulatu ziren diskurtso sozial eta politikoei buruzko konferentzia programa bat ere izango dugu.

Doako sarrera

ORDUTEGIA

Astearte-Osteguna eta igandeak: 10:00-14:00
Ostiral eta larunbatak: 10:00-14:00 / 16:00-19:00

Kostaldeko sukaldaritza

Erromatarren sukaldaritzak konkistatu egin gintuen, sotilki baina betirako, eta horixe azaldu nahi dugu erakusketa honetan. Sukaldean hasten da, K.a. II.mendearen hasiera aldean, baskoiok erromatarron presentzia nabaritzen hasiginenean, eta egungo gure jatetxeetako mahaietan bukatzen da.

Erakusketa honen bidez, nabarmendu nahi dugu zer-nolako garrantzia izan zuenerromatar sukaldaritzak kolonizazio lanean. Beren dieta eta beren produktuen merkatu oparoa ezarrita, gure sukaldaritza garatzen hasi ziren erromatarrak, eta, mendeetan barrena teknika eta produktu berriak gehituta, leku gorenera iritsigara munduko sukaldaritzaren abangoardian.

La cocina vasca de la costa

OS Responsive Image Galleryresponsive image gallery

Sarrera doan.

Ordutegia

Asteartea-larunbata: 10:00 - 20:00
Igandea: 10:00 - 14:00

Uztaileko eta abuztuko Bisita gidatuak

Asteartean, 11: 00etan. Prezioa: 3 €
Osteguna, 18: 30ean. Prezioa: 3 € + 2,5 € (pintxo-pote aukerarekin)

Haurrentzako tailerrak

Txikienek ere erromatarren garaiko sukaldaritza ezagutu nahi izan dute eta bi tailer ezberdin egin dituzte, "Euskal kostaldeko sukaldaritza" erakusketaren barruan.

Zootropo tailerrerako dokumentuak deskargatzea:

Domus erromatarra egiteko dokumentuak deskargatu:

INDIANA JONES

ALTXOR GALDUEN BILA.

INDIANA JONES zinema munduko arkeologoari omenaldia.

2019ko azaroaren 15etik 2020ko urtarrilaren 12raIrungo Oiasso Museoaren, Kataluniako Museu d’Arqueologiaren, Arqueoxarxa Kataluniako museo arkeologikoen sarearen eta Ruben Molins Productios-en arteko kolaborazioaren fruitu da jarduera hau.

"Indiana Jones. Altxor galduen bila” erakusketa fikziozko pertsonaia horri egiten zaion omenaldia da, asko lagundu baitu arkeologia jendarteratzen. Erakusketa honetan hangar bat azaltzen da, eta bertan gordeta daude Jones doktoreak berreskuratutako erlikia guztiak. Indiana Jonesen abenturen lau filmetan: “Kutxa galduaren bila”, “Tenplu madarikatua”, “Azken gurutzada” eta “Kristalezko burezurraren erresuma” agertutako objektuen erreplikak aurkituko ditugu bertan, bai eta 30., 40. eta 50. urteetako hainbat objektu ere, filma horiek girotzeko erabili zirenak.Gainera, arkeologiaren errealitatea eta zinearen fikzioa kontrastatzeko aukera ematen du erakusketa honek. Indiana Jonesen irudia Percy Fawcett, Howard Carter, Sylvanus Morley edo Vendyl Jones bezalako esploratzaile, arkeologo eta abenturazaleetan inspiratua dago, haiek hainbat espedizio eta indusketa egin baitzituzten Hegoamerikan eta Ekialde Hurbilean XX. mendearen lehen erdialdean antzinako altxorren eta erlikien bila. Gaur egungo arkeologoak modu sistematikoan eta metodo zientifiko batean oinarrituta lan egiten duten ikertzaileak dira, iraganeko gizarteak eta haiek izan zituzten aldaketak adierazteko hondakin materialen bidez.

Indiana Jones

OS Responsive Image Galleryresponsive image gallery

Sarrera doan

Pirinioetako Burdinaren Bidea

2019/09/24 - 2019/10/20

Pirinioetako burdinaren bidea Okzitania, Andorra, Katalunia eta Euskal Herriko toki desberdinetatik igarotzen den ibilbidea da, non siderugiak utzitako ondare industrial aberatsa ikusi dezakegun. Ibilbidea Europako Kontseiluaren ibilibide kulturalen sare europarrean barruan dago.

Irugutzetako meatze barrutia ibilbidearen barruan dago Irungo Udalak “Pirinioetako Burdinaren Bidea” elkartean integratu zenetik 2018tik. Elkartean udalerri desberdinek parte hartzen dute, siderurgiarekin lotura daukatenak, Foru Aldundiarekin batera, besteak beste, honako helburuekin: ondare industriala babestu eta aditzera eman, muga-arteko lankidetza bultzatu eta turismo kultural eremuan produktuak garatu. Bidasoa Bizirik eta Oiasso museoak elkarrekin Irugurutzeta sustatu eta bere garrantzia azpimarratzen dute, han Euskadiko kiskaltze labe multzo handienatariko bat ikusi dezakegulako eta Antzinaroan irekitako meatze galeriak ere bai.

Erakusketa Irailaren 24tik Urriaren 20ra arte ikusi daiteke Oiasso museoaren irekitze ordutegian.

Sarrera doan da.

Bisita gidatuak: Oiassok eskaintzen du Irugurutzetako ibilbidea meatze trenean eta erakusketa ibilitariari buruzko bisita komentatuekin osatzea. Irugurutzetako bisitak igandero egin daitezke, goizeko 11:00etan, aldez aurretik erreserba egiten.

Prezioa: 5,50 € helduentzat eta 3,85 € 6-14 urte bitarteko gazteentzat.

Heldu eta eskola taldeek ere bisita gidatuak erreserbatu ditzakete astean zehar museoko irekitze ordutegian.

Erakusketaren triptikoa deskargatu

EMAKUME ARKEOLOGOAK GIPUZKOAN

MUSEOEN NAZIOARTEKO EGUNA

Txangoa: Irulegi - Nafarroako Museoa

PODCAST OIASSO

Izurriteak Antzinaroan: Erroma gaixotasunen aurrean