2013ko Maiatzaren 23tik Uztailaren 24ra

Zergatik proposamen garaikide bat arkeologia museo batean?

Oiasso Erromatar Museoak arkeologia eta sorkuntzazko praktika garaikideak lotzen dituen proposamen berezi bat aurkezten du, masa-kulturari buruzko hausnarketa bat egiteko asmoz.

Gizartearen bilakaeraren zati bat gordeta dago lurpean. Historia, erlijioa, elikadura, genetik edo ekonomia arakatu ahal dira arkeologiatik. Honek kultura materialetik abiatuta egiten ditu planteamenduak, hau da, egunero erabiltzen diren -eta arrazoi batengatik edo beste batengatik- denboraren kapsuletan gordeta geratzen diren objektu horietatik abiatuta.Arkeologia aztarnategien eta hondakindegien arteko kontzeptuzko harremanak azken garai honetan pizgarri handia bilakatu dira sorkuntza garaikideko praktiketan.

Shaf artista sortzaile bat da eta aspaldian hasi da arkeologia bitartekoak sartzen bere lanetan. Oiassorekin duen harremana aspalditik dator; ia 2006tik, museoa inauguratu zenetik. Ikus-entzunezko obran, eskulturan, pinturan, argazkian eta instalazioetan egituratutako erakusketa bat proposatzen du oraingo honetan. Arkeologiaren jarduerari esker, deskubritu ahal diren hiri guneetan gordeta dauden planoak dira abiapuntua. Ondoren, informazioa eraikitzeko prozesuen bilakaerari jarraituz garatzen da; betiere informazio hori ezezaguna den guztia gizatiartzen duten, eta emozioa zein sentimendua eransten duten eta hasierako pertzepzioa itxuraldatzen giltzarrien sortzaile gisa ulertuz.

Geroagoko estadio batean, hirikoa eta aldi berean kalekoa, bakartia, taldekoa eta elkartasunezkoa den arkeologia utopiko batek birsortzeko eta birziklatzeko duen gaitasuna planteatzen du.

Bidaia bat momifikazioaren sekretuetara

2012ko Abenduak 20 -2013ko Apirilak 14

Erakusketa hau diziplina anitzetan jarduten duen Nafarroako Unibertsitateko talde batek 2009tik 2012ra bitartean gauzatu duen lanaren ondorioa da eta, berari esker, 2.700 urtetik gorako animalien momia egiptoarrei buruz egindako ikerketa-lanak azaltzen dira.Lan aitzindari honek fauna-motak bereizteko bidea eman du, eta baltsamatzeko teknikak eta materialak ezagutzeko, momiak estilizatzeko helburuarekin horien barrenean jarri ohi zituzten baso, makila edo kanaberak ikusteko, datazioa zehazteko, eta antzinako egiptoarrek beren jainko-jainkosei babesa eskatzeko erabiltzen zituzten barne-amuletoen presentziaz jabetzeko.

Erakusketaren bidez baltsamatze-praktikak ezagutu ditzakegu, arte-adierazpenetan nola irudikatzen zituzten jainko-jainkosak, eta apaizek kontrolaturiko gizarte faraoniko hartan nolako erlijio-sinesmenak zituzten.

Ikerkuntza hau elkarlan zabal baten emaitza izan da: elkarrekin aritu dira Nafarroako Unibertsitatea, Huescako Museo Probintziala, Archeo et Fides Fundazioa, Bartzelonako Museu Egipci, Leongo Museo Bibliko eta Ekialdekoa eta Tarragonako Museo Biblikoa. Taldea Carlos Ortiz eta María Luz Mangado doktoreen artean zuzendu dute. Zuzendari gisa Gorka Bastarrika doktorea izan duen ikerlan hau Nafarroako Unibertsitatearen Medikuntzako Ikerkuntza Aplikatuko Zentroan eta Nafarroako Unibertsitate Klinikan egin da.

Ingeniaritza erromatarra Espainian

Museoen artean zubiak eraikiz

Oiasso Erromatar Museoak eta Museum Cemento Rezolak indarrak batuko dituzte erromatarrek utzitako ondare tekniko izugarria erakusteko, teknologiaren alorreko jakituria eta, bereziki, Hispanian ingeniaritza zibilean jakituria horrek izandako aplikazioak erakutsiz.

Oiasson, "Galtzadak, zubiak, kaiak", "Meatzaritza eta Metalurgia" eta "Industria teknika eta artea" moduluak bisita daitezke.