Batxilergoa

Curriculumaren helburuetara eta irakasgai espezifikoetara egokitzen dira programak (Latina, Kultura Klasikoa, etab.). 

1. Oiasso museoa + Xantalengo nekropolia 

Proposamen honek Museoko bildumaren bisita eta in situ kontserbatutako aztarnategi arkeologiko batena (Xantalengo nekropoli edo hilerriarena) konbinatzen ditu. Xantalengo nekropolia 2.000 urtean baino gehiagoan erabili da leku sakratutzat, jarraituki, eta, bisitaren bidez, historian zehar hiletetarako eta kulturako baliatu den leku baten bilakaera ulertuko dute ikasleek.

Iraupena: Bi ordu
Toki kopurua: 8-25 ikasle

2. Oiasso museoa + “Erroma eta zinema” tailerra

Museoko bisita gidatuaren bitartez, Museoko bilduma arkeologikoko objekturik adierazgarrienak ikusiko dituzte ikasleek, eta, ondoko tailerrean, berriz, ikusizko ikaskuntza metodologia dinamiko baten bitartez, Erromako historian murgilduko dira: antzinako pelikula mutuen erako film labur bat egin, eta Romulo eta Remoren istorioa eta Erromaren fundazioaren mitoa interpretatuko dituzte.

Iraupena: Bi ordu
Toki kopurua: 8-25 ikasle 

3. Oiasso museoa + Meatze trena Irugurutzetara

Bisitaren hasieran, Museoko bilduma arkeologikoa ikusiko dute ikasleek, eta, ondoren, erromatar trenak Irugurutzetako meategien barrutira eramango du taldea, Aiako Harria parke naturalera, historian zehar burdina ateratzeko erabilitako meazulo bat, aro industrialeko kiskaltze labeak eta XIX. mendearen amaiera aldean mea garraiatzeko sortutako sare konplexua ikustera.

Iraupena: Bi ordu eta erdi
Toki kopurua: 8-25 ikasle
ayuntamiento de irun
ayuntamiento de irun