Jasangarritasuna

Kalitate integraleko sistemaren esparruan, turismo jasangarriaren aldeko epe luzeko programa bat kudeatzen du Museoak, eta ingurumena errespetatzen duten jardunbideak ezartzen ditu sistematikoki.

Irisgarritasuna

Gune eta zerbitzu guztiak eskuragarri izatea bermatzen du Museoak. Gainera, ibilerraztasun unibertsalarekiko konpromisoaren esparruan, bisitarientzako zerbitzuak etengabe hobetzeko eta askotariko bisitariei kalitateko erantzuna emango dien hezkuntza programazioa garatzeko lan egiten dugu.

Xedea

Oiasso Museoa arkeologia museo bat da, Oiasso hiriaren inguruan aurkitutako erromatar garaiko hondakinak biltzen dituena tokiko ondare arkeologikoa ezagutarazteko, horrela erromatarrak Bizkaiko golkoan egon ziren garaiari buruzko ezagutzaren eta dibulgazioaren erreferentzia gune izan nahian.

Bere ezaugarriak, kokapena eta tipologia kontuan izanik, ondare zentroa ez ezik, Museoa bada kultur eta heziketa jardueretarako zentro bat ere, historiaren eta arkeologiaren irakurketa berriak eta horiek dibulgatzeko modu berriak proposatzen dituen kultur proposamen orori irekia. Horrela, askotariko programazio egonkorra sendotu du Museoak, askotariko bisitarientzat, kalitate handikoa eta sektorean onespen handia duena.

Museo dinamikoa da Oiasso, museoen munduko joera berrietara egokitua, eta, horrela, ikerketa, sorkuntza eta dibulgazio gune bat da, askotariko bisitarientzat lan egiten duena.

Zenbait aztarnategi arkeologikotara sartzeko ate bat ere bada Museoa: termak, nekropolia, meategiak eta kaia.

Ikuspegia

Oiasso Museoak bi ildo estrategikoren inguruan jarduten du: batetik, Bizkaiko golkoaren erromanizazioari eta, hedaduraz, antzinaro klasikoari buruzko ezagutza sortzen eta dibulgatzen eta, bestetik, instituzioa bera gizarteratzen, bere instalazio eta baliabideak komuna dena eraikitzeko garrantzitsu eta lehentasunezkotzat ditugun eragile, instituzio eta proiektuekin elkarlanean aritzeko jarrita. Horregatik, museo irekia izateko helburuan sakondu dugu, sareko museoa izateko helburuan; instituzio eta eragileekin harremanetan egon nahi dugu, proiektuak, ideiak eta kontakizunak partekatzeko, eta, horretarako, komunikazioa sustatzen dugu, askotariko norabideetan.

Bestalde, “Oiasso, mugako erromatar hiria” bi helburu (garapen turistikoa eta Irungo herritarren erronka kulturalak) bat egiten dituen proiektu estrategiko bat da, turistentzat zein herritarrentzat onuragarria.

Helburuak

• Irunen erromatar iragana etorkizuneko belaunaldientzat babestea eta egungo belaunaldiek bildumak eta ezagutza berdintasunean gozatu ahal izan ditzaten bermatzea.
• Lurraldeko erreferente izatea antzinako historia eta arkeologia dibulgatzen, askotariko bisitarientzako jarduera programa baten bitartez.
• Museoaren inguru hurbilarekiko harremanak sustatzea, hurbiltasunean eta errespetuan oinarrituta, eta, horretarako, gizarteko talde guztien interesak detektatzea.
• Gipuzkoarrak museora erakartzea, ikuspuntu ireki eta berri batetik, kalitateko programazio baten bitartez, Irunek kultur arloan bizirik dagoen eta dinamikoa den hiri bat den aldetik dituen beharrei erantzuteko.
• Erromatarrak Arku Atlantikoan egon ziren garaiaren erreferente izatea eta Irun nazioartean proiektatzea.

Pribatutasun politika

Irungo Oiasso Erromatar Museoan zure informazioa tratatuko dugu, www.oiasso.com, webgunean eskaintzen diren produktu eta zerbitzuak eman ahal izateko. Era berean, webguneko erregistro inprimakien bitartez, fitxategi batean biltzen diren datuak jasotzen dira, eskatutako zerbitzua eta newsletter-en bidalketa, beharrezkoa bada, eta betiere, Oiasso Museoaren jardunarekin erlazionatuta, kudeatzeko helburu esklusiboarekin.

Zure datuak posta elektronikoaren mezu baten bidez ematen badituzu, hori fitxategiaren atal bat izango da, xedea eskaeraren kudeaketa edo egiten diguzun iradokizuna izango delarik, aurreko lerroaldean agertzen diren gainerako kontuei aplikatuta. Zuk soilik edukiko duzu datuetarako sarbidea, eta ezingo dira inoiz datu horiek utzi, partekatu, transferitu edota hirugarren bati saldu.

Pribatutasun politikaren onarpena, laukitxoen bidez ezarritako prozeduraren bitartez, baiezko adierazpen gisa hartuko da, eta bere bidez erabiltzaileak baimen garbia eta nabaria ematen dio –DBEOren 6tik 9ra arteko artikuluen arabera– izaera pertsonalen datuen tratamenduari, dokumentu honetan azaltzen diren zehaztapenetan.

Datuen iraunaldia

Inprimakien bidez jasotako datuak, baita newsletter-aren bidalketaren laukitxoa ere, zuk erabakitzen duzun denbora guztian zehar mantenduko dira. Edozein unetan, datuen babeserako araudiak zure esanetara jartzen dituen eskubideak erabil ditzakezu. Gehigarri gisa, gure zerbitzuen kontratazio pean ematen dizkiguzun datu pertsonalak gordeko dira, indarrean dagoen merkataritza-harremana mantentzen den bitartean. Zerbitzuak ez badira berritzen, Oiasso Erromatar Museoak datuak kontserbatzen jarraituko du, gure sektorearekin zerikusia izan eta zuretzat interesgarria dela ikusten dugun informazioa bidaltzeko.

Adicionalmente, los datos personales que nos proporcione bajo la contratación de nuestros servicios serán conservados mientras se mantenga la relación mercantil vigente. En caso de que no se renueven los servicios, el Museo Romano Oiasso seguirá conservando sus datos para el envío de información que consideremos sea de su interés vinculados con nuestro sector.

Legitimazioa

Zure datuen tratamendua beharrezkoa da eskatutako produktu eta zerbitzuak eskaintzeko, baita gure newsletter-aren bidalketarako ere. Gehigarri gisa, datuen tratamendua Oiasso Erromatar Museoarekin lotzen zaituen kontratuan eskatzen den baimenean dago oinarrituta, baita gure webgunean dauden inprimakietako laukitxoen bidez ematen diren hainbat baimenetan ere. Era berean, zure datuak helburu anitzekin tratatzerakoan, horien banakako baimena eskatuz, erabiltzaileak baimen hori edozein unetan ken dezake; eta, ondorioz, horrek ez dio eragingo kendu aurreko baimenean oinarritzen den tratamenduaren zilegitasunari.

Eskubideak

Ondoren zerrendatzen den edozein eskubide gauza dezakezu Oiasso Erromatar Museoa, Eskoleta Kalea, 1. 20302 Irun (Gipuzkoa) posta helbidera edo helbide elektronikora. Dena dela, indarrean dagoen araudiaren arabera, honako hau eskatzeko eskubidea duzu:

• Interesdunari buruzko datu pertsonalen sarbidea.
• Zuzentzea edo kentzea.
• Tratamendua mugatzea.
• Tratamenduari aurka egitea.
• Eramangarritasuna.

Datuak ematerakoan, edozein biztanlek du eskubidea Oiasso Erromatar Museoa hari dagozkion datu pertsonalak erabiltzen ari den edo ez jakiteko. Interesdunek euren datu pertsonaletan sartzeko aukera izango dute, horiek zuzentzea edo kentzea eskatzekoa, besteak beste, datu horiek jasota izan ziren xedeetarako jada beharrezkoak ez direnean. Zure datuen tratamenduaren mugaketaren inguruan ere komunikatu gaitzakezu, eta, kasu horretan, kexen erabilerarako edo defentsarako tratatuko dira soilik. Era berean, emandako baimena une oro atzera botatzeko eskubidea izango dute interesdunek, horrek aurretik egindako datu-tratamenduen zilegitasunari kalterik eragin gabe.

Halaber, interesdunek, Oiasso Erromatar Museoak datuen babeserako aplikagarria den araudiari dagozkion eskubideak urratu dituela uste dutenean, Datuak Babesteko Espainiako Agentziari erreklamazioa egiteko eskubidea izango dute, honako helbidean: Jorge Juan 6, 28801 Madril.

Hartzaileak

Zure datuak ez zaizkie hirugarren enpresei jakinaraziko. Bide batez, zure datuak ez zaizkiola nazioarteko hirugarren herrialde bakar bati ere helaraziko jakinarazten dizugu.

Zure datuen jatorria

Irungo Oiasso Erromatar Museoak tratatu eta erabiltzen dituen datuak interesdunaren baimenaren bidez lortu dira. Tratatzen diren izaera pertsonaleko datuen Kategoriak:

• Sarbidea interesdunari dagozkion datu pertsonaletara.
• Posta helbideak edo helbide elektronikoak.
• Informazio komertziala.
• Bankuko datuak.

Oiasso Museoak ez ditu bereziki babestuta dauden datuak tratatzen.