Urtean zehar, museoak behin-behineko erakusketak egiten ditu hainbat gairi buruz. Oro har, arkeologia, eta bereziki, mundu klasikoa, badira ere ohiko protagonistak, arteari eta historiari buruzko erakustaldiak ere egiten dira Oiasson. Irunek izan zuen iragan urruna eta iragan hurbila dira herritarrei intereseko gaiak hurbiltzeko lantzen den beste ardatzetako bat.

Museo bat baino askoz ere gehiago da Oiasso: kulturarako gunea eta denboran iragan klasikoraino bidaiatzeko atea. Jende guztiarentzat eta profil guztientzat diseinatu dira museoak programaturiko jarduerak. Batzuk, kontzertuak edo berriketaldiak, ateen barrualdean egiten dira; beste batzuek plaza ere hartzen dute, beste leku batzuetara ateratzen dira eta urruneko lurretara bidaian joan ere egiten dira. Gure proposamenak hurbiletik jarraitzeko, online agenda begiratu besterik ez duzu egin behar, edo bestela gure newsletter-ean harpidetu.

Antzinako Erromaren erakargarrietako bat da oso gustuko dutela helduek nahiz etxeko gazteenek. Horrexegatik, aukera ezin hobea da museoa familian ikustea. Horretarako, hainbat aukera daude: Herkules heroiak gidatzen utzi bildumaren enigmak argitzeko, nahiz Arkeolab tailerrean arkeologo bilakatu, bai eta urtebetetzea erromatar eran osatu ere.