Oiasso Museoa

izango da berriz ere

Aniztasunaren Ekitaldiaren eszenatokia,

Chillida Leku eta TOPIC museoekin batera  

Arteak mugarik ez duela abiapuntu hartuta, aurten ere, ondorengo egunetan ospatuko den Aniztasunaren Ekitaldia aurkeztu nahi dizuegu:

Musika eta dantza emanaldiek erakutsiko dute arteak ez duela mugarik, eta museoek etorkizun justu eta iraunkor bat eraikitzeko duten balioa berresteko aukera emango dute.  

Aniztasunaren Ekitaldira gonbidatutako artistak: Iñaki Salvador, Jakes Txapartegi, Simon Ezquiaga, Juncal Cepeda eta Olga Grande, Ezezagunok Antzerki Konpainia, Uikan Dantza Taldea eta Verdini Dantza Taldea, dantza garaikideko konpainia, aurten Donostiako Udalak ematen duen sarreraren Urrezko Danborra jaso duena.  

Oraingo honetan, Emma Larretak berriro aurkeztuko duen Ekitaldiak Ana Pérez aktore eta antzerkigile eta Ezezagunoken sortzailea omenduko du. Irabazi-asmorik gabeko antzerki-elkarte hau 2008an sortu zen, eta bere helburua desgaitasun intelektuala duten aktoreekin antzerki-muntaiak jendaurrean prestatzea eta antzeztea da.

Aniztasunaren Ekitaldi hau, musika, dantza eta antzerki festa bat da, Gipuzkoako Foru Aldundiaren laguntzarekin sorkuntzari leku egiteko. Ospakizun horretara jende guztia gonbidatu nahi dugu artista hauen gaitasun handiaz gozatzeko, parte hartzeko eta konpartitzeko, Gipuzkoako hiru museo-ingurunetan, aurten ere elkartu direnak ekitaldi hau eskaini ahal izateko.

Ekimen honen bidez, Oiasso Museoak, TOPICek eta Chillida Lekuk sortzaile horiei eta beren aniztasunagatik egiten duten lanari babesa eman nahi diete. Ekimen honen bitartez, Oiasso Museoak, TOPICek eta Chillida Lekuk sortzaile hauei eta euren ezgaitasunetatik egiten duten lanari lagundu nahi diete.

Sarrerak: 5,00 € pertsona bakoitzeko eta museo bakoitzean daude salgai.

Deskargatu prentsa-oharra hemen

Informazio gehiago:

www.topic.eus
www.oiasso.com
www.museochillidaleku.com

OIASSO MUSEOAK HIRIKO ONDARE ARKEOLOGIKOA EZAGUTZEKO BISITA GIDATUAK ESKAINTZEN DITU

GAINERA, DOAKO BISITA GIDATUAK HASIKO DIRA "MEGALITOAK. ESPAZIO SAKRATUAK ETA LURRALDE-ERREFERENTEAK "

Oiasso Museoak bisita gidatuak eskaintzen ditu Irunek erromatarren garaian duen ondare arkeologiko aberatsa ezagutzeko: portua eta bertako biltegiak, terma publikoak, nekropolia eta Oiasso inguruko meatze-ustiategiak, duela 2.000 urte egungo Irun hartzen zuen hiria.

BISITA GIDATUAK OIASSO MUSEORA

Ostiralero, 11:30etan euskaraz eta 12:30etan gaztelaniaz, museoak bisita gidatuak eskaintzen ditu bere erakusketa iraunkorrean. Bertan, larruz eta egurrez landutako objektuak, merkataritzari eta arrantzari buruz hitz egiten diguten material arkeologikoak edo goi inperioko hiri erromatar baten eguneroko bizitza nabarmentzen dira: dieta, janzkera, idazketa, aisia edo erlijioa.

IRUGURUTZETAKO MEATEGI ETA LABEETARA BISITA GIDATUAK

Larunbatero, 11:00etan, Oiasso museoak bisita gidatuak eskaintzen ditu Irugurutzeta meategietan. Bertan, Euskadiko kiskaltze-labeen bateriarik handiena dago eta Aiako Harriko meatzaritzaren jatorria ezagutu dezakegu. Bisitaren topalekua Irugurutzeta paraje naturalean bertan izango da.

XANTALEN NEKROPOLIRA BISITA

Igandero, 11:00etan gaztelaniaz eta 12:30ean euskaraz, bisita gidatuak egiten dira TIR Tour Irun Romano APP-ren laguntzarekin, aurkikuntza arkeologikoak izan diren lekuetatik ibilbide interaktiboa, Xantalen ermitan (erromatarren garaiko aztarnategi arkeologikoa) nekropolia bisitatzea barne.

Bisita gidatuek 5,75 euroko tarifa orokorra eta 4,00 euroko tarifa hobariduna dute. 6 urtetik beherako haurrentzat doakoak dira.

"EMAKUMEEK DIOTE" ETA "MEGALITOAK. ESPAZIO SAKRATUAK ETA LURRALDE-ERREFERENTEAK ", ALDI BATERAKO DOAKO BI ERAKUSKETA OIASSON

"Emakumeek diote" erakusketa balio handiko pieza arkeologikoak miresteko aukera bikaina da, lehenago beren jaioterritik, Meridatik, kanpo inoiz erakutsi ez direnak eta erromatarren garaiko emakumeen bizitzaren hainbat alderdiren lekukotza ematen dutenak. Antzerki Klasikoaren Nazioarteko Jaialdiari eta hiri horretako Monumentu Partzuergoari esker iritsi dira Irunera.

"Megalitoak. Espazio sakratuak eta lurralde-erreferenteak" Euskal Herriko monumentu megalitikoei buruz inoiz egin den bildumarik osatuena da, 150 pieza original baino gehiago, duela milaka urte eraiki zituzten gizarteetara modu errazean hurbiltzeko aukera ematen dutenak. Larunbatero, 11:30etan euskaraz eta 12:30etan gaztelaniaz, doako bisita gidatuak egingo dira Irunera iritsi den erakusketa honetan, Bilboko Arkeologi Museoaren eskutik.

Erakusketak doakoak dira eta museoaren ohiko ordutegian daude eskuragarri. Informazio gehiago eta erreserbak: 943 63 93 53

Txango arkeologikoa Irulegira eta Nafarroako Museora

Larunbata, 2024ko ekainaren 22an

Irulegiko aztarnategia Iruñea inguruan dago, muino baten tontorrean. Burdin Aroko antzinako herrixka baten aztarnak daude, K.a. I. mendean kokatu ditzakegunak, eta Erdi Aroko gaztelu baten hondakinak ere bai. 2021ean Aranzadi Zientzia Elkarteko arkeologoek brontzezko objektu bat aurkitu zuten, esku formakoa. Bertan inskripzio batzuk zeuden idatzita, eta horietako batzuk "Zorioneku" hitzaren erabileraren lekuko dira, Euskal Herriko hizkuntza arkaikoaren aztarna direnak. Irulegik Antzinako Erromako historiaren gertaera batera, Sertorioren Gerrara, hurbiltzeko aukera ematen digun aztarnategia da. Bidaia honetan, Martin Aiestaran indusketaren zuzendariarekin bisita egiteko aukera izango dugu. Bazkal ostean, Iruñeako arkeologi museoan bisita gidatu bat izango dugu erromatar garaiko esposizioa ikusteko.

* Irulegiko mendira igotzeko, aldapa handi bat igotzeko prest egon behar da. Bisita honek 150 eskailera maila ditu eta hiru orduko ibilbidea, 5 km guztira, eta zutik egongo gara denbora guztian.

Ibilbidea

DATU PRAKTIKOAK

Prezioa: 90 €.

Honakoak barne hartzen ditu: autobus bidaia, aipatutako aztarnategietarako sarrerak, pertsonal espezializatuaren bisita gidatuak, bazkaria Irulegi jatetxean eta bidaia asegurua.

Izena emateko baldintzak:

Lekua erreserbatzeko museora deitu behar da. Esleitu ondoren, ordainketa eskudirutan, txartel bidez edo banku-transferentzia bidez egin beharko da (transferentziaren kontzeptuan izena jarriz) eta izen-emate orria aurkeztu.

Bidaia bertan behera utz daiteke gutxienez 25 pertsona apuntatzen ez badira. 

Txango arkeologiko eta kulturalaren informazioa eta inskripzio-orria ondorengo dossierrean deskargatu dezakezu: Txango arkeologikoa Irulegira eta Nafarroako Museora

Informazio gehiago www.oiasso.com helbidean edo 943.63.93.53 telefonora deituta.