Antzinako Erromaren erakargarrietako bat da oso gustuko dutela helduek nahiz etxeko gazteenek. Horrexegatik, aukera ezin hobea da museoa familian ikustea. Horretarako, hainbat aukera daude: Herkules heroiak gidatzen utzi bildumaren enigmak argitzeko, nahiz Arkeolab tailerrean arkeologo bilakatu, bai eta urtebetetzea erromatar eran osatu ere.

Museoko hezkuntza programaren helburu nagusia da Oiasso hiri erromatarra Irunekin identifikatzea, indigenen eta erromatarren bizimodua ezagutuz, lekuko hondakin arkeologiko garrantzitsuenak aztertuta.

Bisita gidatuak erakusketa iraunkorrera, behin-behineko erakusketetara, Xantalen ermitara eta Irugurutzetako meatze ingurura bereiz edo hainbat formatutan konbinatuta egin daitezke.

2025-2026eko Hezkuntza Programa deskargatu

FICAB HEZKUNTZA SAILA

XXV. FICAB Bidasoko Nazioarteko Zinemaldi Arkeologikoa 2025/11/10– 2025/11/15

Ficabeko Hezkuntza saioak ikastetxeei bereziki zuzenduta, bere helburu kurrikularrei lotuta eta alde didaktikoak zaintzen dituzten emanaldiak eskaintzen ditu.

Pelikulen emanaldiak: 2025 eko azaroak 11, 12 eta 13, goizeko 11:00etatik 13:00etara

Deskargatu XXV FICAB 2025 Hezkuntza Saileko EGITARAUA hemen.

NORENTZAT: Bigarren Hezkuntzari eta Batxilergoko ikasleentzako

Doako sarrera. Eserleku mugatuak.

Erreserba egitea beharrezkoa da. 943 63 93 53

FICAB jaialdia ONLINE formatuan ere eskaintzen dugu.

ARK MO egitasmoa:

ikastetxeek beraien ikasleekin inguruan duten ondareari buruz sortutako film laburrak (5 minutu) aurkeztu dezakete zinemaldian, urriaren 15 a arte.

FICAB IBILTARIA - Hezkuntza Saila.

Ikasturte osoan zehar film hautaketa bat zuen eskura ipini dugu ikastetxeetan ikusi ahal izateko. FICABeko Hezkuntza Sekzioko film irabazleak eta unitate didaktikoak dituzten filmak ikastetxeei eskaintzea oso aukera interesgarria dela uste dugu. Egitasmoak arkeologia eta historia modu erraz eta hezigarrian gerturatzea dauka helburu.

Deskargatu FICAB HEZKUNTZA IBILTARIA Programa

Jasangarritasuna

Kalitate integraleko sistemaren esparruan, turismo jasangarriaren aldeko epe luzeko programa bat kudeatzen du Museoak, eta ingurumena errespetatzen duten jardunbideak ezartzen ditu sistematikoki.

Irisgarritasuna

Gune eta zerbitzu guztiak eskuragarri izatea bermatzen du Museoak. Gainera, ibilerraztasun unibertsalarekiko konpromisoaren esparruan, bisitarientzako zerbitzuak etengabe hobetzeko eta askotariko bisitariei kalitateko erantzuna emango dien hezkuntza programazioa garatzeko lan egiten dugu.