MUSEOEN NAZIOARTEKO EGUNA

Oiasso, Chillida Leku eta Topic museoen nazioarteko eguna dela eta, ekitaldiz beteriko egitaraua prestatu dute.

Oiasso Museoa, Chillida Leku eta Topic elkartu dira Aniztasunaren Gala eta hiru museoen arteko "pieza bihurriak" pisten jolasa elkarrekin ospatzeko.

Maiatzaren 18an Museoen Nazioarteko Eguna ospatzen da, ICOMek kudeatutako proposamena eta hiru museoek aurten ere ospatzen duten hitzordua. Oraingoan, Oiasso, Chillida-Leku eta Topic taldeen arteko lankidetzak jarduera interesgarriak eskaintzen ditu jendearentzat.

 
MAIAkartela AAFF 2 page 0001TZAK 14

ORDUA: 19:00etan

Aniztasunaren Gala  

Aniztasunaren Gala maiatzaren 14ean egingo da Oiasson, maiatzaren 15ean Topic-Tolosan eta maiatzaren 16an Chillida Lekun. Musika- eta dantza-emanaldiek arteak mugarik ez duela erakutsiko dute, eta museoek etorkizun justu eta iraunkorra eraikitzeko duten balioa berrestuko dute. Museoen Nazioarteko Kontseiluaren (ICOM) hitzetan, "Covid ondoko aroan museoek etorkizun justu eta iraunkorra eraikitzeko duten balioa berretsi behar dute. Museoek funtsezko eginkizuna hartu behar dute beren gain, partekatzeko eta hitz egiteko espazio ireki, inklusibo eta demokratiko gisa"

Aniztasunaren galara gonbidatutako artistak Iñaki Salvador, Jakes Txapartegi, Simon Ezquiaga, Telmo Irureta eta Verdini Dantza Taldeko kideak dira, azkeneko hauek arrakasta handia lortu dute "The Dancer" telebista saio ezagunean.

Galara joateko sarrerek 5,00 euroko prezioa dute pertsonako eta museo bakoitzean jarriko dira salgai.

Informazio gehiago nahi izanez gero, museo bakoitzaren webgunea kontsulta daiteke:

www.topictolosa.com

www.museochillidaleku.com

www.oiasso.com

 

 

maiatzak 18
"pieza bihurriak"

Era berean, Irun, Tolosa eta Hernaniko museoek "pieza bihurriak" pisten jolasa diseinatu dute elkarrekin. Jarduera honetan, familiek sariak irabazteko aukera izango dute museo bakoitzean ezkutatuta dauden hiru objektuak aurkituz gero.

Familiek sare sozialetara igo ahal izango dituzte aurkitutako piezen argazkiak, eta hiru museoetako aurkikuntzak osatzen dituztenek, saria lortzeko zozketa batean sartuko dira.

Jarduera maiatzaren 18an hasiko da, eta Oiasso museorako sarrera doakoa izango da.

MUSEO ROMANO OIASSO
Eskoleta, 1 - 20302 IRUN
+34 943 639 353

Ayuntamiento de irun
ayuntamiento de irun
Route COE
Ruta Del Ferro
Ficab
Turismo familiar
roma atlantiaca