TREN TXIKITOA: Oiasso ezagutzen

Oiassok Museoen Nazioarteko Eguna ospatuko du bere 20 urteko ibilbidea gogoratuz eta kulturartekotasunarekiko konpromisoa indartuz. Aurten "Museoak mundu zatitua batzen" lelopean ospatuko da, arkeologia, oroitzapena eta gizarte-ekintza uztartzen dituen programazio bereziarekin eta, aldi berean, bere 20. urteurrena herritar guztiei irekitako hainbat jarduerarekin.

TREN TXIKITOA: OIASSO EZAGUTZEN

Publiko guztiarentzat

Tren txikitoan, Irungo Kaleetan barrena, Oiasso erromatar hiriaren aztarna arkeologikoak aurkitu ziren tokiak ezagutuko ditugu.  Ibilbidean zehar, Ama Xantalen nekropolia bisitatuko dugu, hiriko ondare gune berezienetako bat, baita Oiasso Museoak ikusgai dituen aurkikuntza arkeologikoei lotutako beste puntu batzuk ere. 

ERRESERBA egitea beharrezkoa da 943.63.93.53 telefonoan edo SARRERAK Oiasso Museoaren webgunean eskuratu: 

edo https://oiassosarrerak.irun.org/

Hiriaren iragan erromatarraren ezagutza erosoagoa eta eskuragarriagoa da orain.