Hadrainoren harresia erakusketa

HADRIANOREN HARRESIA ERAKUSKETA

Irungo Udalak, Oiasso Erromatar Museoaren eskutik, Vindolanda Charitable Trustekin lankidetzan eta Gipuzkoako Foru Aldundiaren laguntzarekin, "Hadrainoren harresia" erakusketa zabaldu zuen urriak 22 ostiralelan, Ingalaterrako iparraldean dauden Adrianoko Harresiari eta Vindolandako mugako kanpalekuari eskainia. Erakusketa 1930eko hamarkadatik egindako indusketei esker argitara atera diren aurkikuntza arkeologikoen argazkiek osatzen dute, baita horietan aurkitutako pieza batzuen erreplikek ere.

Erakusketa hau beste urrats bat da Oiasso Museoak beste erakunde kultural eta museo arkeologikoekin dituen loturen garapenean, kasu honetan, Ingalaterrako Vindolanda eta Roman Army Museum museoen eskutik. Lurraren ezaugarriei esker, objektu organiko ugari kontserbatu ahal izan dira, batez ere idazteko euskarri gisa erabilitako egurrezko taulatxoak. Vindolandako taulatxo ospetsuek Britania iparraldeko goarnizio militar baten egunerokotasunera, bere soldaduen, familien eta esklaboen bizitzara hurbiltzea ahalbidetzen digute. Erakusketak inguruko indusketetan aurkitutako objektu nabarmenen erreplikak ere izango ditu, hala nola, Rudge Cup edo larruzko sagu bitxi bat, jostailu edo txantxetako artikulu gisa erabilia. Erromatarren historiako leku ospetsu baten inguruan (Adrianoko Harresia, esaterako), jendea hurbiltzeaz gain, bisitariak harresi kontzeptuaren inguruan hausnartzera gonbidatzeko helburua du erakusketak: espetxeko harresiak, harresiak eta babeserako elementu fisikoak.

JARDUERA PARALELOAK
 
Urriak 21, osteguna

19:00 Inaugurazio-ekitaldia, Maria Millan erakusketaren komisarioaren bisita gidatuarekin.

Abenduak 10, OSTIRALA

19:00 "Vindolanda: eguneroko bizitza Inperioaren mugetan", Albert Anglès-Minguell Vindolandan egindako indusketetan kolaboratzailearen eskutik. Albert Anglèsek eguneroko bizitzaren argazki bat eskainiko digu Adrianoko Harresian, Inperioko muga gotortuenetako eta iparraldekoenetako bat, zeinaren defentsan unitate militar laguntzaileek funtsezko papera izan zuten, horien artean barduliar eta baskoi jatorriko unitateak egon zirelarik.

Erakusketaren ordutegia:

10:00 - 14:00 asteartetik ostegunera eta igandetara
10:00 - 14:00 eta 16:00 - 19:00 ostiraletan eta larunbatetan
Astelehenetan itxita

Sarrera doan

MUSEO ROMANO OIASSO
Eskoleta, 1 - 20302 IRUN
+34 943 639 353

Ayuntamiento de irun
ayuntamiento de irun
Route COE
Ruta Del Ferro
Ficab
calidad turistica logo
Turismo familiar
roma atlantiaca